Біз туралы
Алғашқы дәрігерлік амбулатория 1937 Жаманқала селосында ашылған, бірақ дәрігер болмауына байланысты амбулаторияның фельдшері басқарған. Бұл мезгілде аудандық денсаулық сақтау бөлімі басшылары жиі ауысқан.
Егер 1928 жылы бұл лауазымға Машанов тағайындалса, 1939 жылы Оспанов, Лукьяненколар тағайындалған.
1957 жылы Жаманқала селосында аудандық аурухана ашылып, бас дәрігеріне Хайролла Смадиарұлы Қалжігітов тағайындалды. Осы ауруханаға бас дәрігерлікке 1963 жылы К.И.Иманғалиев, 1964 жылы Л.Ф.Кравченко, 1968 жылы К.Х.Хайров, 1977 жылы Қайролла Қапашев, 1983 жылы Жеміс Жалмағамбетқызы Досымбаева, 1992 жылы Сайын Иманғалиев, 1996 жылы Жания Орынғалиқызы Жарылғасова қызмет етті.
1996 жылдан 1998 жылға дейін Жаңыл Қатепқызы Ғұмарова, 2000 жылы Ақжұма Аққалиқызы Жаңбырова бас дәрігер қызметін атқарды. 2001 жылы аудандық денсаулық сақтау бөлімі құрылып, оны Ақжұма Аққалиқызы Жаңбырова басқарды. 2000-2001 жылдары орталық аурухана бас дәрігері С.Ж.Мырзағалиева, 2001-2006 жылдар арасында Аманбек Қабдешұлы Жұмыров бас дәрігерлік қызмет атқарды.
2007 жылы аудандық денсаулық сақтау бөлімі таратылып, аудандық ауруханадан аудандық емхана бөлініп шықты. Оның құрамына Ақтоғай, Сарытоғай, Таңдай, Сарайшық, Бейбарыс, Алмалы, Алға, Ақжайық, Жалғансай дәрігерлік амбулатория кіреді. Аудандық емхананың бас дәрігері Жұмыров Аманбек тағайындалды.
Ал, аудандық ауруханада 2007 жылы Мырзағалиева Светлана Жұмабайқызы, 2008 жылдан бастап Бекен Сайынұлы Құлниязов бас дәрігер қызметін атқарды.
2009-2011 жылдары Сабиров Еркін Бекетұлы басшылық етіп, 2011-2013 жылы Ерпанаева Толғанай Әмірханқызы бас дәрігерлік қызметін басқарып, 2013 жылдан бастап Сабиров Ермек Сабырұлы бас дәрігерлік қызметін атқарып келеді.
